दिवसाची सुरुवात

#हसत_खेळत
#दिवसाची_सुरुवात
(वेळ सकाळची .... अगदीच घाईची ... काम करत माझी बडबड सुरू)
मी:   लवकर आटप रे उशीर होतो शाळेला . रोज रोज काय रे उशीर करायचा .काल तर अगदी थोडक्यात वाचलो . गेट वर चे काका " शेवटची दोन मिनिट राहिली आहेत गेट बंद करायला लवकर करा " असं म्हणाले होते.
मुलगा :   😱😱दोन मिनिटं होती काल गेट बंद व्हायला.
मी : हो रे दोनच मिनिट होते .... आपल्याला अजून थोडा वेळ झाला असता तर शाळेला सुट्टी मिळाली असती.😓😓😓
मुलगा : अग दोन मिनिटं होते न... मग उशीर कसा होईल.. दो मिनट भी बहुत बडी चीझ होती हैं बाबू.
मी : आता मात्र तुला बघतेच रे 😡 ... थांब जरा आलेच  😠
मुलगा : आता घाईत नको .... घरी आल्यावर बघ ... निवांत😝
मी : त्यांना डायलॉग चे पैसे मिळतात .. तुझी मात्र विनाकारण सुट्टी होईल शाळेला . आवर लवकर .... तू वेळेवर तयार असला तर ठीक नाहीतर मी एकटी निघून जाईन तुझं दप्तर घेऊन😝😝😝 तू बस  तयार होवून घरीच .
मुलगा: आलो ... आलो . हे बघ तयार आहे मी.
( आज पाच मिनिट वेळेआधीच पोहचलो  )
ज्ञान:
* आजकालच्या मुलांना उपदेश करणं सोप नाही.
* आपल्या बचावासाठीचे आवश्यक ते सगळे ज्ञान त्यांना असते.
* आपले चांगल्या सवयी लावण्याचे प्रयत्न कमी पडता कामा नये.
* हसत खेळत शिकवण दिली तर ते आपलंही सहज ऐकतात.
* दिवसाची सुरुवात ही हसत आणि हसवत केली तर पूर्ण  दिवस आनंदी होतो .
©️ अंजली मीनानाथ धस्के