वाढदिवसानिमत्त ( २०१८)


#RangolionCake
सरप्राईझ.......
सरप्राइज देणं हे वाटतं तितकं सोपं अजिबात नाही .
आपल्याला जे आवडतं ते  सरप्राइजगिफ्ट म्हणून घेवून देणं म्हणजे सरप्राइज  नक्कीच नाही .
समोरच्याला काय हवं ते जाणून घेणे ..... त्याला काय आवडतं ते समजून ... त्यानुसार सरप्राइजगिफ्ट निवडणे .... या साठी ..... आपण त्या व्यक्तीला किती परफेक्ट ओळखतो हे फार महत्त्वाचे ठरते आणि नेमके हेच गणित नारोबाला लागू होत नाही . ऑफिस मधून घरी आल्यावर .... " तुला कसं कळलं आज मला .... हाच मेनू खायची इच्छा झाली होती ...... तू अगदी मनकवडी आहेस " असं दिलखुलास पणे सांगतो पण आपला वाढदिवस असला की तो मात्र कधीच " मनकवडा " होण्याचा प्रयत्न करत नाही . ( माझ्या मनात एकाच वेळी इतके विचार सुरू असतात की त्याला माझे मन ओळखणे अवघड जात असावे .,😅)
        दोन महिने आधीपासून जरी मी त्याला आडून आडून सांगितले की मला घड्याळ हवे आहे . ऑनलाईन शॉपिंग.... करण्याचे हजार ऑप्शन्स दाखवले ...... T.V. वर येणाऱ्या जाहिराती आवर्जून दाखवल्या ....... मॅकझिन मधले फोटो दाखवले ..... अगदी दुसऱ्या बाईच्या हातातली घड्याळ 'किती छान आहे न ' असं म्हणून दुसऱ्या बाईकडे ( हातातील घडयाळ😩) बघण्याची परवानगी दिली........ तरी त्या कडे दुर्लक्ष करून तो वाढदिवसाच्या दिवशी माझ्यासाठी माझ्याकडे ज्या कलर ... पॅटर्न .. असलेल्या पर्स आहेत ... त्याच्याशी मिळती जुळती पर्सच सरप्राइजगिफ्ट म्हणून देतो. आपलेच प्रयत्न कमी पडलेत असं म्हणून😂 ...... " पदरी पडले .... पवित्र झाले" मानून गप्प बसते.
          पण या वेळेस ठरवलं ... तो समजून घेईल हा योग येईल तेव्हा येवो ...... आपण स्पष्ट सांगून मोकळे व्हायचं.  आपण स्वतः च स्वतः ला काय हवं .... काय आवडतं हे परफेक्ट सांगू शकतो ..... त्यासाठी इतरांची बुध्दी आणि पर्यायाने आपला वेळ का वाया घालवायचा.
          या वेळेस ठरवलं स्वतःच स्वतःला हवं ते सरप्राइजगिफ्ट द्यायचं.
          प्रसंग छोटा असो वा मोठा असो मी रांगोळी काढतेच  कारण रांगोळी काढतांना  मला निखळ आनंद होतो. तरी  आपणच आपल्यासाठी रांगोळी काढायची जरा अतीच वाटल आणि अचानक मनात आल की असं काही तरी करायला हवं जे करण्यात मला आणि त्याचा उपभोग घेताना इतरांना आनंद येईल. ........ केक .... मुलाला खूप आवडतो .... ठरल केक करायचं .....पण मी केक बनवण्यात जेमतेम आहे. त्यातही आइसिंग करणे म्हणजे एक दिव्यच.
           मला रांगोळी काढायला आवडते . मला या रांगोळी ने एक नवीन ओळख दिली. माझी आठवण येणाऱ्यांना आधी माझी रांगोळीच आठवते . तेव्हा माझ्या वाढदिवसाच्या केक वर रांगोळी असायलाच हवी आणि तेही मी काढलेली . हे मनाने पक्क केलं .
           काम सुरू झाले .... ६ ते ६ थेंबाची रांगोळी आणि रांगोळी भरलेली छोटी भांडी  केक वर काढायचा प्रयत्न सुरू झाला..... वेळ कसा गेला काहीच कळले नाही . मदतीला मुलगा होताच . मी चुकले तर तो लगेच म्हणायचं " अरे राहुदे काही होत नाही ..... रांगोळी काढतांनाही तर थोडी रांगोळी सांडतेच ..... एकदम परफेक्ट केली की साच्यातून काढल्या सारखी वाटेल न ..... जे चुकतंय ते तसच ठेव .... त्याने अजून छान दिसतोय केक ..... अगदी तू केल्या सारखा वाटतो ."
          मग काय जे जसं जमल तसचं ठेवलं ......
          माझ्या रांगोळीला केक वर विराजमान झालेलं बघून मुलगा आणि नवरा एकदम खुश....... आता ही रांगोळी खाताही येणार आहे याचा आनंद त्यांच्या डोळ्यात दिसत होता.
             ' एका दगडात दोन पक्षी मारले' या आनंदात मीही हरखून गेले.
(C) Anjali M. Dhaske






कोजागिरी पौर्णिमा(२०१८)

      कोजागिरी पौर्णिमे निमित्त काढलेल्या रांगोळ्या

             पूर्ण चंद्र बघून मन मंत्रमुग्ध झाल्याशिवाय राहत नाही . बालपणी चांदोबा... चंदामामा... अशी त्याची ओळख करून दिली जाते. तारुण्यात याच चंद्रा मधे आपण आपल्या भावी जोडीदाराचे रुप शोधू पाहतो. पौर्णिमेच्या पूर्ण चंद्राला पाहून .... त्याच्या शीतल प्रकशात मन चिंब भिजते... चंद्राला पाहून जशी समुद्राला भरती येते तशीच माझ्या मनातील भावनांना ही भरती येते....सृष्टी  निर्माण कर्त्याला माझे शतश: नमन ......चंद्रावर असलेल्या प्रेमासाठी........ चंद्रालाच समर्पित.........
कोजागिरी पौर्णिमेच्या हार्दिक शुभेच्या..........


चंद्र पौर्णिमेचा (२०१८)

       पूर्ण चंद्र बघून मन मंत्रमुग्ध झाल्याशिवाय राहत नाही . बालपणी चांदोबा... चंदामामा... अशी त्याची ओळख करून दिली जाते. तारुण्यात याच चंद्रा मधे आपण आपल्या भावी जोडीदाराचे रुप शोधू पाहतो. पौर्णिमेच्या पूर्ण चंद्राला पाहून .... त्याच्या शीतल प्रकशात मन चिंब भिजते... चंद्राला पाहून जशी समुद्राला भरती येते तशीच माझ्या मनातील भावनांना ही भरती येते.... शब्दरुपी लाटांनी मन व्यापून जाते. नशेत व्यक्ती आपली मातृभाषा सोडून इतरही भाषा आत्मविश्वासाने बोलते अगदी तसेच मंद शीतल चंद्रप्रकाशाची नशाच अशी आहे की ...... माझे मन ही शायराना झाले.  हिंदी भाषा .... माझा प्रांत नाही तरी प्रेमात सगळे  माफ असते. चंद्रावरच्या प्रेमासाठी ...... चंद्राला समर्पित.........

दसरा(२०१८)

 #पाटी पूजन       

           दसरा  म्हंटल की आठवण येते ती शाळेतल्या पाटी पूजन सोहळ्याची . काळीशार दगडी पाटी ..... ती वापरून पांढरट पडली असेल तर त्यावरती कोळसा घासून तिला पूजनासाठी मस्त काळ कुळकुळीत करायचं.... मग त्यावर सुबक असे सरस्वतीचे चिन्ह काढायचे ..... मनोभावे पूजन करायचे . वय वाढत गेले आणि हातातली पाटी सुटली. पण आजही पाटी दिसली की त्यावर लेखणीने लिहिण्याचा मोह टाळता येत नाही. बालपणाशी नाळ जोडणारी हि पाटीच आज रांगोळीत रेखाटण्याचा प्रयत्न केला आहे. त्यावर सरस्वती आणि महासरस्वती ची सुबक चिन्हे ही रेखाटली आहे. अगदीच साधी सोपी रांगोळी तरीही मनाच्या एका कोपऱ्यात विशेष स्थान असणारी......
            दसऱ्याच्या सर्व वाचकांना खूप खूप शुभेच्छा.......... सरस्वती देवीची तुम्हां आम्हां वर अशीच कृपा राहो हीच इच्छा...

नवरात्र उत्सव (२०१८ )

                   नवरात्र..... नऊ रंग....
हा उत्सव स्त्री शक्तीचा ..... हा उत्सव रंगांचा....
प्रत्येक रंग हा  देवीच्या  एका रूपाशी निगडीत आहे. प्रचंड उत्साह आणि सकारात्मक ऊर्जा असलेला हा सण आहे. कपालिनी देवीच्या ह्या काळ्या सावळ्या रूपातील चेहऱ्यावर असलेल्या दिव्य तेजाने आणि मंद स्मित हास्याने माझे मन भक्ती रसात न्हावुन निघाले...... नतमस्तक झाले.
प्रत्येक दिवसाप्रमाणे रंगांचा क्रम ठेवून बोर्डर केलेली आहे.
       सर्व वाचकांना नवरात्र उत्सव निमित्त खूप खूप शुभेच्छा.