नवरात्र विशेष (१८) सुविचार

#नवरात्र विशेष #सुविचार 

नऊ दिवस.....   नऊ देवी.....  नऊ रंग यांच्या सोबतीला प्रत्येक देवीच्या अंगी असलेल्या दोन गुणांवर आधारित आधुनिक सुविचार. 

नक्की वाचा आणि आपला अभिप्राय जरूर कळवा. 

Thank you 

@Anali Minanath Dhaske 

शैलपुत्री:  स्थीर 

स्त्रीचे चित्त स्थीर असल्यास संसारातील 

आव्हाने सहज पेलता येतात.

शैलपुत्री: निग्रही 

दुष्ट प्रवृत्तीचा नाश करण्यास स्त्रीने निग्रही असणे गरजेचे आहे.

ब्रम्हचारिणी: निडर

आवडीच्या क्षेत्रात यशस्वी होण्यासाठी स्त्रीने निडर होवून काम करावे. 

ब्रम्हचारिणी: सामर्थ्यशाली 

सामर्थ्यशाली स्त्रियाच इतिहास घडवत  त्यांच्या आयुष्याचा प्रवास अजरामर करतात.

च्रंदघंटा: सजगता

समाजात वावरतांना सजगता बाळगल्यास अनेक वाईट प्रसंग टाळता येतात.

च्रंदघंटा: खंबीरपणा

कोमल हृदयाची स्त्री कठीण प्रसंगी कुटुंबासाठी

 खंबीरपणे उभी राहते. 

 

कुष्मांण्डा : निर्मिती

कला, कल्पना, जीव निर्मिती क्षमता 

स्त्री अंगी जन्मजात असते 

कुष्मांण्डा : अस्तित्व

'स्त्री अस्तित्वाचा सन्मान करणारे मन' 

ख-या पुरूषाची ओळख होय. 

स्कंदमाता : निरागसता

बालपणीची 'निरागसता' कायम जपल्यास
मनुष्यप्राणी ख-या अर्थाने 'माणूस' होईल.

स्कंदमाता: करूणा

परदुःख पाहून करुणा जागृत होणार्‍या हृदयात साक्षात देवी वसते. 

कात्यायनी: मातृत्व 

केवळ गर्भधारणेतून नव्हे तर

'वात्सल्य' भावनेतून खरे 'मातृत्व' साकारते.

कात्यायनी: संगोपन 

संगोपनाला 'संस्काराची' जोड दिल्यास बालमनाचा योग्य विकास  साधता येईल. 

कालरात्री : वेळ

वेळीच वेळेचे महत्त्व ओळखल्यास 

माणसावर वाईट वेळ येत नाही. 

कालरात्री : कार्यक्षमता 

चांगल्या सवई, शिस्त, नियम यांच्या पालनाने कार्यक्षमता वाढीस लागते.

महागौरी: विद्वत्ता

पेहेराव क्षणभर 'नजरा', तर
विद्वता 'बुद्धीला' कायम आकर्षित करते 

महागौरी: ज्ञान 

पैसा, गाडी, बंगाला देण्यापेक्षा 

मुलांना 'वारसा' म्हणुन 'ज्ञान' द्यावे.

 

सिध्दीदात्री: बुध्दी 

उपजत बुद्धीचा वापर करण्याच्या 

'कौशल्यावरून' मनुष्याचे 'संस्कार' 

ओळखले जातात. 

सिद्धीदात्री :  दृष्टी

निव्वळ 'सौंदर्य टिपणारी दृष्टी' असण्यापेक्षा

 'दूरदृष्टी' असणे आवश्यक आहे.