मीही शाळेत जाते

     #मीही_शाळेत_जाते
©️ अंजली मीनानाथ धस्के
कोणी न जन्माची वाट बघत
होते आयुष्याचे दोरही कापत
कधी विटा होते उचलत
उन्हा तान्हात गुर राखत
कधी भावंडांना सांभाळत
धुणे भांडीही होते  करत
स्वप्ने नव्हती कधी मला पडत
जगले होते वास्तव स्विकारत

आता मात्र...
मीही शाळेत जाते
डोळ्यांनी नवी स्वप्न बघते
ज्या हातांनी थापल्या गवर्‍या
त्याच हातांनी नशीब बदलते
नुसती अक्षर नाही गिरवत
माझे उज्ज्वल भविष्य घडवते
आता मीही शाळेत जाते
©️ अंजली मीनानाथ धस्के
टिपः लिखाण आवडल्यास शेअर करताना नावा सहित करावे. साहित्य चोरी कायद्याने गुन्हा आहे.

•