पर्यावरण दिन (५ जून २०१८ )

#पर्यावरण दिन
         आज 'पर्यावरण दिन ' आहे.... पण खऱ्या  अर्थाने पर्यावरण 'दीन ' झालेले दिसते आहे. पर्यावरणासाठी झटणारे हात कमी पडतांना दिसतात आहे. वर्टिकल गार्डन ची मागणी होतांना दिसते आहे पण आपल्या घरात असलेल्या कुंडीत लावलेली रोपे जगवतांना मात्र दमछाक होते आहे.  काही कायदे सक्त झाले पाहिजेत तर काही निसर्गाचे  नियम आपण सक्तीने पाळले पाहिजेत. निसर्ग जसे भरभरून देतो तसे..... कोपला की एका क्षणात सगळे परत ही घेवु शकतो. कडक उन्हात जेव्हा उभे राहतो तेव्हाच झाडाच्या थंड सावलीची उणीव भासते. काश्मीर मधे निसर्गाचा सन्मान केला जातो म्हणूनच "  भूतलावर स्वर्ग कुठे आहे तर तो इथेच आहे " असं ते अभिमानाने सांगतात......... पर्यावरण ' दीन ' होणार नाही यासाठी आपणही  खारीचा वाटा घेवु शकतो.   तुळस......... पूर्वी आणि आजही प्रत्येकाच्या घरी असतेच. तुळस औषधी आहेच पण ती तिच्या  परिसरातील डासांचा मुक्त  वावरही कमी  करते . मुख्य म्हणजे ती एक अशी वनस्पती आहे जी फक्त ऑक्सीजन (O2)वायु देत नाही तर ती ओझोन (O3) वायु देते. वातावरणातील ओझोन वायुचे प्रतल विरळ होत आहे आणि सूर्याची प्रखर किरणे  थेट पृथ्वीवर पडतात आहे.  ही  प्रखर किरणेच पृथ्वीचे तापमान वाढवण्यास कारणीभूत असतात. तेव्हा प्रत्येकाने आपल्या घरी, परसदारी जास्तीत जास्त तुळस लावली तरी पर्यावरणाला मदतच होणार आहे  .  आपल्या घरी तुळशीचे संवर्धन.... संगोपन केले तरी " पर्यावरण दिन " साजरा  होणार हे नक्की.

(C)सौ. अंजली मीनानाथ धस्के
पुणे,चिंचवड ३३